كيف كانت بدايتك في الفن ؟
لانطلاقة كانت في انضمامي ل جمعية ثقافية تنشط على مستوى ولاية و بعض الولايات مجاورة كنت عضو ثانوي لانها ضم ارمادة من ممثلين على سبيل مثال
موني بوعلام حاولت الاحتكاط و كنت نقبل هههه الاحتياط حتى جاتني الفرصة و صعدت الخشبة و قابلت جمهور و كسرت وحد خوف لايوصف
ماهي اعمالك التلفزيونية و مسرحية ؟
مسرح الطفل مسرحية القبعة الحمراء مسرحية سيوانة في مجال الماريونات مسرحية العنكبوت الشريرة مسرحية جدو يا جدو مسرح الكبار مسرحية زبانة مسرحية هدية السلطان مسرحية عيشة و مونولوق زبال و فرحان
حصة قهوة القوسطو
حصة المنشار رفقة عطالله ربي يرحمه و سليم الك
سلسلة حكومة هم رفقة الحاج لخضر و عدة نجوم
حصة دز كوميدي شو
وماهي العراقيل التي واجهتك في حياتك الفنية ؟
انا منسميهاش عراقييل ههههه بلعكس فيتامينات النجاح حاجة باينة تتحقر و حاجة باين تحس بجهوية خاصة ف مجال الاعلام و حاجة باينة مكانش فرص
حاجة باينة تتحقر و كي تجي فرصة صدفة ميكونش عندك وقت تمد كل امكانياتك لكن الحمد الله الفن و المسرح جزء مني يكفيني نصعد ل اي خشبة
كيف كانت تجربتك في قهوة قوسطو التي لقيت نجاح كبير ؟
قهوة القوسطو صدقني قلت نجرب و فقط مكنت حاط اني ننجح ف كاستينغ من بين 800مشارك قدرت نكون بين 8 لكن بالنسبة ليا ندمت على كل دقيقة ضيعتها معطيتش كل امكانيات ضرا لقلة خبرتي و اول مرة نوقف قدام كميرااات و تصوير محترف
حكيلنا ايضا على تجربتك في حصة منشار ؟
كان عندي مهرجان ضحك في جيجل و لعبت سهرة لي قبل سليم الك و حضرو الحمد الله كان عرض بكل صراحة لحد الان ملعبتش كيفو هههههه جمهور اكتر رايع تجاوب معايا لمدة ساعة و نصف و بعد نهاية العرض اتصل بيا سليم و صورت معاه سكاتش في جيجل و مبعد ضمني فالفريق لمدة ثمانية قدرت نتعلم و نعرف نجوم اخرين اشهر امثال حزيم
هل المنتج يسألكم ان كان النص متوافق مع خبرتك او تتاقلم مع كل دور ؟
الانتاج بمعناه الحقيقي بكل صراحة مكانش فالجزائر عندنامنتج هو لي يخلص ممثلين و العمال لكن العمل الفني لي يكون قبل التصوير و قبل مونتاج و و و راح و مكانش
ماهي اعمالك المستقبلية ؟
صورت 02 سيتكوم لكن لا حياة لمن تنادي و نتحدى انهم ينافسوا اقوى اعمال التلفزيونية ماش كي عملت فيهم لكن تحب نبعتلك رقم صفر و ميز وحدك